Ylli i kombëtares së Francës lëndohet dhe humb Kampionatin Evropian

18:41 | 2 Maj 2024
D.H

Lajme të këqija për PSG-në, trajnerin Luis Enrique dhe kombëtaren e Francës.

Lucas Hernandez ka mbyllur sezonin si pasojë e një lëndimi në ndeshjen e mbrëmshme ndërmjet Dortmundit dhe PSG-së në “Signal Iduna Park”, shkruan Arbresh.info.

Ndeshja u fitua nga vendasit 1-0 falë golit të Fullkrug.

Qendërmbrojtësi francez ka këputur ligamentin e gjurit të majtë, duke mbyllur sezonin dhe duke humbur pjesëmarrjen në Euro 2024 me “Gjelat” e Deschamps.

Një lajm i hidhur për kampionët e Francës dhe teknikun e kombëtares franceze, që në Europianin në Gjermani do të jetë pa një ndër pikat më të forta në mbrojtje.

28-vjeçari u lëndua në minutën e 37-të, ndërkohë pas pesë minutave u largua nga ndeshja./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm